| | |
| | |
| | La Ciulla, Napoli, Agnolo Vocola, 1728 |
| | a cura di Giuseppe Castagna |
| |
| |
| |
|
| |
| | LA CIULLA o puro CHI HA FREUMA ARRIVA A TUTTO |
| |
| |
| | Commeddeja pe museca de Carlo De Parma da rappresentarese a lo Triato de li Shiorentine nchesta Primmavera de st’Anno 1728 |
| | Napole. A la nova Stampa d’Agnolo Vocola. A spesa dello Mpressarejo. |
| | E da lo stisso Vocola se despenzano a la Libraria soja a Fontana Medina. |
| |
| |
| | AMMICO LEJETORE. |
| | Chesta vota sì, ca non aggio propejo, che tte dicere! pocca si parlammo pe l’argomiento de sta Commeddeja; stace dechiarato da la primma, nfi’ à la V. Scena; scoitto saccie, ca Marcone viecchio recchissimo, Patrone de murte case, e de la Taverna de Casanova, e Tavernaro, havennose accattata nfasciolla na Schiavottella; a la quale fece mettere nomme Ciulla; e havennosela cresciuta, le mettette tanto bbene ncuollo, ch’e essennosenne morta Porzia Carosiello mogliere d’isso Marcone, le venne mpenziero sposaresella, e pe non fa parlà lo munno, subbeto, che mmorette Porzia, mannaje a la casa de Cicia sore d’isso Marcone Ciulla, e primmo de sposà isso, trattaje lo matremmonejo co Arazejo Puntegliuso Affeceale viecchio de le gabelle de Casanova, pe lo figlio puro Affeceale de chelle gabelle, e Lisa, figlia de isso Arazejo. Ma essennose cresciuto Cola nzemmora co Ciulla, era tanto l’ammore, che sti duje se portavano, che cchiù priesto se sarriano contentate farese fa piezze, che lassarese, e non nguadejarese nzemmora, e perzò nè Ciulla voleva Marcone, nè Cola Lisa, che stava speruta pe isso; ma lo viecchio, che de chesso non ne sapeva niente, pe appontà la jornata de lo nguadejo, commetaje la Lisa a lo Ciardino sujo, che stava a zicco co la Taverna, le gabelle, e la casa de Marcone e Arazejo; da cca ncigni a la Commeddeja; lo riesto po lo vedarraje si viene a lo Triato, o lo ssapparraje se la lieje. Sulo te preo a compatireme, e a non me tenè pe temmerarejo, si co na facce tosta, ogne tanto caccio no sturcio de li mieje, ncopp’a chisse Triate, a ddove se so’ bbedute puche d’oro, figlie de penne tanto vertolose de sta Cetà nosta, che non hanno le ’pare pe tutto lo Munno, pocca chesto lo faccio pe te fa vedè ca aggio l’anemo de servirete, e darete gusto; ma si po me mancano le ’forze, che nc’haggio da fare? non è corpa mia. Penza a lli tiempe caude, e non ghì tenenno mente, si nce voleva cchiune a la Commeddeja, e statte buono. Le parole Fortura, Destino, ed aute, songo l’ornamiento de la Povesia, ma non sentemiento de chi ha scritto, pocco è vero Cattoleco. |
| |
| | PERZUNE, Che chiacchiarejano. |
| |
| | MARCONE Viecchio Patrone de Taverna, Patre de Cola, e nnammorato de |
| | Lo sio Jacovo d’Ambrosio |
| | CIULLA Schiava de Marcone, destenata mogliere de lo stisso, e nnammorata de |
| | La Sia Lisabetta Gasparrini |
| | COLA Gabelloto nnammorato de Ciulla, e destenato marito de |
| | La Sia Fortunata Romano |
| | LISA nnammorata de Cola, che desprezza |
| | La Sia Checca Grieco |
| | TORE Gabelloto nnamorato de Lisa. |
| | La Sia Lisabetta Guerini |
| | ZEZA Vecchia Foretana, e Zia de |
| | Lo Sio Semmuono de Farco |
| | MENELLA nnammorata de |
| | La Sia Anna Isola |
| | NARDO Guarzone de Marcone. |
| | Lo Sio Giovanne Romaniello |
| | SCERVECCHIA Nepote de Zeza. |
| | Lo Sio Gilormo Piano |
| |
| | La Museca e de lo Sio Mechele Caballone. |
| | La Scena se fegne a le Gabelle de Casanova. |
| |
| |
| |
| |
