| | |
| | |
| | Li zite ngalera, Napoli, A spese de li Mpressarie, 1724 |
| | a cura di Paologiovanni Maione |
| |
| |
| |
|
| |
| | ATTO PRIMMO |
| |
| | SCENA PRIMMA |
| |
| | Masto COL’AGNOLO affelanno Rasola nnanze a la Poteca soja, CICCARIELLO, che scopa, e canta, CIOMMA nnanze a la porta, che fa pezzille, CARLO da lontano, che passeja. |
| |
| | CICCARIELLO |
| |
| | Vorria reventare sorecillo |
| | Pe mettere paur’a la Sia Annella |
| | Le vorria dà no muorzo a lo pedillo, |
| | E straccià la podea de la gonnella. |
| 5 | E po, pecché so’ tanto peccerillo |
| | Mme vorria abbuscà na peccerella, |
| | Ca vedo nzorà chisto, e nzorà chillo, |
| | E pe mme no nce sta na moglierella. |
| | E ba’, e sse breccie, che puorte mpietto |
| 10 | Tu le puorte pe mme sciaccà. |
| |
| | CIOMMA |
| | Ah, ah, ah, ah. |
| | CARLO |
| | Ah! tu ride, e io schiatto. |
| | CIOMMA |
| | Si passeja pe sso tuosto. |
| | CICCARIELLO |
| | Ched’è? ch’avimmo fatto? |
| | COL’AGNOLO |
| | Niente, niente: cantate a gusto vuosto. |
| | CICCARIELLO |
| 15 | Nce fosse quarche assisa a lo cantare? |
| | COL’AGNOLO |
| | Te voglio dà l’assisa, e la pannetta: |
| | Mme vo’ stordire, e ancora non è ghiuorno. |
| | CICCARIELLO |
| | Voria sapè comm’aggio da servire? |
| | Si canto; quando scumpe sso taluorno. |
| 20 | Si m’allamento; schiatta che te manca? |
| | Si rido; votta sciala, ch’aje raggione. |
| | Si magno; e ch’aje l’allanca! |
| | S |
| | COL’AGNOLO |
| | Zitto fuss’acciso chiacchiarone |
| | Va piglia lo vacile, |
| 25 | E portamillo addo’ commesechiamma. |
| | (Vi’ si va, n’avè tanto a lo sottile!) |
| | CARLO |
| | Te vorria dire schitto ca sta sciamma |
| | CIOMMA |
| | Ora saglimmoncenne, via, via. |
| | CARLO |
| | No, no, mo’ mme sto zitto. |
| | COL’AGNOLO |
| 30 | Che d’è? non stace commeto ussoria. |
| | De ire addo’ aggio ditto? |
| | CICCARIELLO |
| | Sto si commesechiamma |
| | No lo sapimmo addove sta de casa. |
| | CARLO |
| | (Che cana!) |
| | Ma pocca spriezze ammore, |
| 35 | Mo’ vedarraje, che sape fa lo sdigno. |
| | CICCARIELLO |
| | A? a lo si Sarvatore! |
| | COL’AGNOLO |
| | Gnorsì. |
| | CIOMMA |
| | Va mme sequestra lo bennigno. |
| | Masto Cola’ non te partire; siente. |
| | COL’AGNOLO |
| | Che v’aggio da servire? |
| | CIOMMA |
| 40 | Sto Peppariello è figlio a qua serpente, |
| | A quacc’Urzo, a qua Lupo? È cosa grossa! |
| | È de carne? è de pesce! |
| | COL’AGNOLO |
| | È n’ommo comm’a mme de carne, e d’ossa. |
| | Che? ancora stace tuosto comm’apprimmo? |
| | CIOMMA |
| 45 | Accossì pare. |
| | COL’AGNOLO |
| | Io te lo remollo. |
| | CICCARIELLO |
| | M’abbio Si Masto? |
| | COL’AGNOLO |
| | Sì, mo’ te so’ ncollo. |
| | E de me propejo Ciomma, |
| | No nne vuo’ avè piatà. |
| | CIOMMA |
| | Si mme vuo’ bene, |
| | Redducemillo tu. |
| | COL’AGNOLO |
| | (No mme lo nzonno, |
| 50 | Ca sarraggio l’ammante roffejano.) |
| | CIOMMA |
| | Dille ch’è no va chiano. Io me contenno. |
| |
| | Va dille, ch’è no sgrato |
| | No, no le di’ accossì. |
| | Sa comme le vuo’ di’? |
| 55 | Mm’hà ditto Ciommetella, |
| | Ca tu la faje morì. |
| | Dille ca mme martella? |
| | Di’, ch’è no bello fato, |
| | Che mme fa pazzejà; |
| 60 | Dille ch’aggia piatà, |
| | De me nfelice. |
| | Po chello, che te dice |
| | Tu vienemello a di’. |
| |
| | SCENA II |
| |
| | BELLUCCIA, e COL’AGNOLO. |
| |
| | BELLUCCIA |
| | Col’Agnelo? |
| | COL’AGNOLO |
| | Oh! Sio Peppo a tiempo, a tiempo. |
| 65 | Pocca t’aggio da di’ na parolella. |
| | BELLUCCIA |
| | Patrone: di’? |
| | COL’AGNOLO |
| | Sacce ca Ciommetella |
| | Pe tte non ave abbiento. |
| | BELLUCCIA |
| | Leva rimme, ca priedeche a lo viento. |
| | COL’AGNOLO |
| | Ah ah; nce ll’aggio ditto; buono faje: |
| 70 | Te mancano? |
| | BELLUCCIA |
| | N’è chesto, Masto mio, |
| | È ca non pozzo. |
| | COL’AGNOLO |
| | E commo? |
| | Io no nte ntenno! |
| | BELLUCCIA |
| | No? mme ntenno io. |
| |
| | So’ sciore |
| | Senz’addore, |
| 75 | Arvolo sicco, asciutto; |
| | E Ciomma vo’ no frutto, |
| | Ch’io no le pozzo dà. |
| | Servire la vorria |
| | Coll’arma, e co lo core; |
| 80 | Ma non è corpa mia |
| | Si no lo pozzo fa. |
| |
| | SCENA III |
| |
| | COL’AGNELO, TITTA, e po CICCARIELLO. |
| |
| | COL’AGNOLO |
| | Chisto mme fa votà le cellevrella. |
| | TITTA |
| | Si Masto bella cosa! |
| | Tu faje lo roffejano a Ciommetella: |
| 85 | Ma sa che nce vorria? na bella ntosa. |
| | COL’AGNOLO |
| | A mme lo roffejano? siente Titta |
| | TITTA |
| | Che buo’ sentire a chesta, |
| | Che sta a la casa mia non è qua guitta. |
| | COL’AGNOLO |
| | E io, che t’aggio cera de frabbutto. |
| | CICCARIELLO |
| 90 | Jammoncenne, fenite sto contrasto. |
| | TITTA |
| | Attienne a fare varve, e sottrattive. |
| | CICCARIELLO |
| | Titta fornisce, jammoncenne Masto. |
| | COL’AGNOLO |
| | Oh mmalora ssi racchie |
| | Songo propio rechiammo de pernacchie. |
| |
| | SCENA IV |
| |
| | TITTA, e po CARLO. |
| |
| | TITTA |
| 95 | Vide che rrobba: ah Ciomma |
| | Pe tte quanto sopporto! |
| | E tu cchiù ncuoccie. |
| | CARLO |
| | Già se nn’è trasuta! |
| | Vide quanto mme dura la desditta! |
| | TITTA |
| | Desidero la morte |
| 100 | Chisto n’è lo si Carlo. |
| | CARLO |
| | No è Titta. |
| | TITTA |
| | Si Carlo? |
| | CARLO |
| | Titta mio? |
| | A DUE |
| | Che bella sciorte! |
| | TITTA |
| | Oh quanto mme conzolo, |
| | Ca dapo’ de tant’anne |
| 105 | Ve veo buono. Commo da ste parte? |
| | CARLO |
| | E tu che baje facenno pe da lloco? |
| | TITTA |
| | Chest’è la casa mia. |
| | CARLO |
| | Chesta! |
| | TITTA |
| | Gnorsì, a commanno de ussoria. |
| | No responnite ajemmè, ched’è, ch’è stato. |
| | CARLO |
| 110 | Titta mio, che mme dice! |
| | TITTA |
| | Ve despiace! |
| | CARLO |
| | No; t’aggio trovato |
| | A no tiempo pe mme troppo felice. |
| | Tu mm’aje da consolare. |
| | TITTA |
| | Oh bene mio. |
| | Mo’ propio a no banchetto uscia me mmita. |
| | CARLO |
| 115 | Puro pe tte lo stisso sarria io. |
| | TITTA |
| | M’abburlate; n’aggi’auto, che sta vita |
| | Sarvatame da vuje: pegliatevella. |
| | CARLO |
| | T’è sore Ciommetella? |
| | TITTA |
| | Signornò mm’è parente: |
| 120 | Pecché? la canoscite? |
| | CARLO |
| | La canosco sopierchio. |
| | TITTA |
| | (Ajemmè, che sarà chesto!) E che bolite. |
| | CARLO |
| | Che le decisse pecché bo’, che mora. |
| | Che non sia tanto sgrata, |
| 125 | Co Carlo, che l’adora. |
| | TITTA |
| | (Oh Dio che stellettata, |
| | Mm’aggio sentuta dà mmiezo a sto core.) |
| | CARLO |
| | Ched’è te si’ mutato de colore? |
| | Mme nnieghe sto piacere? |
| | TITTA |
| 130 | Gnorsì, voglio vedè de ve servire |
| | (Sciorte, che cchiù mme resta de vedere!) |
| | CARLO |
| | Fa che sia mia! non me vedè morire. |
| | TITTA |
| | (Addio Ciomma! mo’ mm’iesce da le mano. |
| | E chello, ch’è lo peo, |
| 135 | È, ca t’aggio da fa lo roffejano!) |
| | CARLO |
| | Titta tu m’haje tornato |
| | Da morte nvita. |
| | TITTA |
| | Oh Dio so’ ddesperato. |
| | CARLO |
| |
| | Mme sento allegrolillo |
| | Comm’a no peccerillo |
| 140 | Quann’ha la marennella, |
| | E non fa scola. |
| | Oh Titta, Titta ammato |
| | Tu mm’haje resorzetato! |
| | E sta mprommessa bella |
| 145 | Me consola. |
| |
| | SCENA V |
| |
| | TITTA sulo. |
| |
| | TITTA |
| | Vide si la desditta |
| | Jocare mme potea cchiù de ponta! |
| | Desgrazziato Titta! |
| | Nce volev’a lo ruotolo sta jonta. |
| |
| 150 | Ammore dimme tu, |
| | Ch’aggio da vedè cchiù? |
| | Tu dimme si nce stato |
| | Core cchiù desperato |
| | De sto mio. |
| 155 | Non te vastava ne |
| | Lo sdigno de ssa perra! |
| | Che puro mme faje guerra, |
| | Co fareme trovà |
| | Chi mme la vo’ levà, |
| 160 | Dimme che buo’ da me, |
| | Che te facc’io. |
| |
| | SCENA VI |
| |
| | RAPISTO, e po BELLUCCIA. |
| |
| | RAPISTO |
| | So’ ommo comm’all’aute |
| | E no poco de cchiù, mmalora chesta! |
| | BELLUCCIA |
| | Chiano; che d’è Rapisto |
| 165 | Co chi ll’aje? |
| | RAPISTO |
| | Niente. Co sta Segnorella, |
| | Che mme commanna sempe a barda, e a sella |
| | E po |
| | BELLUCCIA |
| | Zitto |
| | Vo’ pazzejà co ttico. |
| | RAPISTO |
| | Lo Cielo me ne scanza, |
| 170 | Io co femmene? io! |
| | BELLUCCIA |
| | Che non t’aje da nzorare. |
| | RAPISTO |
| | Nnzorà! mia mino’; no me jastemmare. |
| |
| | A lo tiempo, che simm’oje |
| | Lo nzorares’è pazzia. |
| 175 | Chella nzegna de lo Voje, |
| | Peppo mio me fa tremmà! |
| | Semp’è meglio a stare sule, |
| | Ca chi piglia la mogliere, |
| | O na sporta de fasule, |
| 180 | O na sarma de pensiere |
| | Sempe ncapo ha da portà. |
| |
| | SCENA VII |
| |
| | CIOMMA, che caccia na seggia fora a lo barcone, s’assetta, e po COL’AGNOLO co lo farrajuolo, e cappiello da la casa, che bo’ ascire. |
| |
| | CIOMMA |
| | O! bene mio sto Sole t’addiecheja. |
| | COL’AGNOLO |
| | O te! Vecco la quaglia. |
| | CIOMMA |
| | Oh masto schiavo, e mbe’? |
| | COL’AGNOLO |
| | Gioja de st’arma. |
| | CIOMMA |
| 185 | (Vide ch’antecaglia.) |
| | Embe’! parlaste a Pippo? |
| | COL’AGNOLO |
| | Che nne vuo’ fare de sto sbarvatiello, |
| | Drovate n’ommo |
| | CIOMMA |
| | E bia |
| | Che t’ha ditto? |
| | COL’AGNOLO |
| | Sia Ciomma bella mia |
| | CIOMMA |
| 190 | Tu dalle, ca te frusce, |
| | E n’aje sciato pe n’ora, |
| | Tu mo’ sconucchie, non te lo canuscie? |
| | COL’AGNOLO |
| | Ah Sia Ciomma bon’ora |
| | No le di’ ste parole, |
| 195 | Vuo’ che te faccia mo’ doje crapejole? |
| | Te vi’ si stongo forte. |
| | CIOMMA |
| | Chiano, che non te rumpe lo vrachiero. |
| | COL’AGNOLO |
| | (Chesta sa li segrete de la Corte.) |
| | CIOMMA |
| | E non te piglie scuorno |
| 200 | De parlare co mmico de sse cose? |
| | COL’AGNOLO |
| | Sient’a mme, tengo rrobba; aggio denare: |
| | E tant’aggio da fare, |
| | Ch’aje da essere mia. |
| | CIOMMA |
| | Si’ llesto si te pienze a fa sta botta |
| 205 | È ghiusto comme hisse |
| | A caccia a sturne co la rezza rotta. |
| | COL’AGNOLO |
| |
| | N’ommo attempato |
| | De nott’e ghiuorno |
| | Te stace attuorno; |
| 210 | Ma no sbarvato |
| | Lo vide ire |
| | Aucellejanno, |
| | E la mogliere |
| | Se fa a bedere |
| 215 | Na vota ll’anno; |
| | E spisso spisso |
| | Te le regala |
| | Qua zitto mo’. |
| | No vecchiariello, |
| 220 | Che sia robbusto |
| | È ghiusto justo |
| | No rafaniello |
| | Fort’e piccante, |
| | Che tutte quante |
| 225 | Nn’hanno golio; |
| | Chisso |
| | Songh’io |
| | Te sciala sciala! |
| | Vi’ si può dire |
| 230 | Ca no mme vuo’. |
| |
| | SCENA VIII |
| |
| | MENECA, CIOMMA, e po CICCARIELLO. |
| |
| | MENECA |
| | Ciammetella. |
| | CIOMMA |
| | Segno’, che commannate? |
| | MENECA |
| | Rapisto se nn’è ghiuto? |
| | CIOMMA |
| | Uh, va lo trova! |
| | MENECA |
| | Va singhe benedetta |
| | Vide si le galline hanno fatt’ova. |
| 235 | E bide |
| | CIOMMA |
| | Si n’hann’acqua, e nce la metta? |
| | MENECA |
| | Massara! |
| | CIOMMA |
| | Tanto locca mo’ mme faje? |
| | MENECA |
| | Vi’ comme piglie mmuolo! |
| | CIOMMA |
| | (Ma l’aucelluzzo mio non piglio maje.) |
| | CICCARIELLO |
| | Spiancello a li quatto de lo Muolo |
| 240 | Che saccio? |
| | MENECA |
| | Co cchi ll’aje |
| | Ne Ceccarie’? |
| | CICCARIELLO |
| | Co n’ommo, che boleva |
| | Sapè da me lo Masto addove steva. |
| | MENECA |
| | Pecché no nce l’aje ditto? |
| | CICCARIELLO |
| | Comm’è bella, |
| | Vuo’ che le jetta ncanna |
| 245 | Ch’è ghiuto a fa na cosa necessareja? |
| | MENECA |
| | Aspetta, aspetta sienteme na chiacchiara. |
| | CICCARIELLO |
| | Via fa priesto sbrigammonce. |
| | MENECA |
| | Dimme a sso Peppariello |
| | Pecché no me vo’ bene? |
| 250 | Ca non se ne rentenne |
| | Ca che Meneca fuje; e chi me sprezza |
| | O n’hà core; o non sa che sia bellezza. |
| | Tu ride? sa da quanta so’ pregata. |
| | CICCARIELLO |
| | (Chesta vo’ esse propejo pasteggiata.) |
| | MENECA |
| 255 | Le femmene, che so’ dell’aità mia |
| | Che dammo, e recevimmo tentazejune? |
| | Volimmo li marite |
| | Che siano peccioncielle, e mascolune. |
| |
| | Ll’ommo |
| 260 | È commo |
| | A no piezzo de pane. |
| | Quann’è frisco te dace appetito |
| | Quann’è tuosto nnozzare te pò. |
| | Lo marito, |
| 265 | Vo’ esse peccione |
| | Pe fa sta la mogliere contenta, |
| | Ca vavone |
| | Nesciuno lo vo’. |
| |
| | SCENA IX |
| |
| | CICCARIELLO, e po RAPISTO. |
| |
| | CICCARIELLO |
| | Ah ah ah chesta vecchia è corejosa, |
| 270 | Ma si non faccio arrore, |
| | Vecco Rapisto! |
| | RAPISTO |
| | Ciccarie’ che faje? |
| | CICCARIELLO |
| | Rapisto mio servennote |
| | Che barva è chesta! |
| | RAPISTO |
| | Mme vorrisse radere. |
| | CICCARIELLO |
| | Veramente è cresciuta? |
| | RAPISTO |
| 275 | Chiano bon’ora me vuo’ caccià n’uocchie |
| | N’aje propejo descrezione! |
| | CICCARIELLO |
| | Ah ah (che bella mmenzejone.) |
| | RAPISTO |
| | Via su addov’è lo masto? |
| | Mme voglio sbarbizzare. |
| | CICCARIELLO |
| 280 | (Che bella burla che le voglio fare.) |
| | Torna a cca n’auto poco, |
| | Ca si’ llesto, ma saccie, |
| | Ca non troppo nce sente |
| | E abbesogna strellà quanno le parle. |
| | RAPISTO |
| 285 | Ne? non sapeva niente |
| | Ca co chisto non nc’aggio maje parlato, |
| | Pocca da poche juorne, ch’è arrevato. |
| | CICCARIELLO |
| | Orsù non ce vo’ auto. |
| | RAPISTO |
| | Schiavo tujo. |
| | CICCARIELLO |
| | Covernate Rapisto. |
| 290 | Comm’è propejo catarchio |
| | Che bello gusto, che bo’ esse chisto. |
| | Io mo’ aviso lo masto |
| | Ca chisto porzì è surdo; |
| | Ah, ah, ah, ah, |
| 295 | Sarrà bello a sentire sto contrasto. |
| |
| | Sa comm’è no peccerillo |
| | Quann’abburla qua marrone? |
| | Justo comm’a no gattillo |
| | Che postea no sorecone; |
| 300 | Si lo piglia ch’allegrezza |
| | Che prejezza che te fa. |
| | Io che so’ scapizzacuollo |
| | Quann’allummo quarche rracchio |
| | Lo coffeo, e po le mollo |
| 305 | Da dereto no vernacchio |
| | Ch’è no gusto mmeretà. Sa &c. |
| |
| | SCENA X |
| |
| | Masto COL’AGNOLO, e po CICCARIELLO. |
| |
| | COL’AGNOLO |
| | Non se ne ponno fa propejo cchiù barve |
| | Sti cacapuzonette |
| | Ogne ghiuorno se vonno sbarbizzare, |
| 310 | E maje se vede ll’ora de pagare. |
| | Ciccariello? |
| | CICCARIELLO |
| | Oh! si masto |
| | Sto locco de Rapisto |
| | Se volea fa la varva. |
| | COL’AGNOLO |
| | Non ll’aje ditto, che torna? |
| | CICCARIELLO |
| | Gnoressine. |
| 315 | Na cosa sulo v’aggio d’avertire, |
| | Ch’abbesogna strellà quanno le parle. |
| | COL’AGNOLO |
| | Avimmo da fa auto, che strellare. |
| | CICCARIELLO |
| | Che sfazione m’aggio da pegliare. |
| |
| | SCENA XI |
| |
| | BELLUCCIA, e po CIOMMA. |
| |
| | BELLUCCIA |
| |
| | T’aggio mmidejamBello aucello |
| 320 | Tu te spasse nfra ste frunne; |
| | Cante vuole t’annascunne |
| | Ed io stongo a penejà! |
| |
| | CIOMMA |
| | Pe cchi staje a penejà? |
| | BELLUCCIA |
| | Ciomma da me che buo’? te ll’aggio ditto, |
| 325 | Ca ste parole tu le ghiette a maro: |
| | E puro ncuocce? |
| | CIOMMA |
| | Oh. Comme si’ schiattuso! |
| | Mme vuo’ piglià de fila. |
| | BELLUCCIA |
| | Comme voglie felà si nn’aggio Fuso. |
| | CIOMMA |
| | Siente; si chesto dice |
| 330 | Pecché fuorze non aje commodetate |
| | Pe potè mantenere la mogliere |
| | Nuje simmo già arrevate, |
| | Te dongh’io tutto chello, che te manca. |
| | BELLUCCIA |
| | Mme faje venire a ridere, ah ah ah. |
| | CIOMMA |
| 335 | Tu co ssa risa mme farrisse accidere. |
| | Manco chesso vuo’ fa? |
| | BELLUCCIA |
| | No, ca te juro |
| | Ca, chello che n’agg’io manc’a tte puro. |
| |
| | SCENA XII |
| |
| | CARLO, e li stisse. |
| |
| | CARLO |
| | Vecco la sgrata! e chillo |
| | È fuorze lo zembrillo |
| 340 | Che già ll’ave ncappata! |
| | CIOMMA |
| | (E chisto sempe appriesso, è na gran cosa!) |
| | BELLUCCIA |
| | Che bedo! Carlo! è jsso. |
| | È jsso, ah! tradetore! ajemmè so’ mprta! |
| | CIOMMA |
| | Ah bene mio, ched’aje? che t’è benuto? |
| | CARLO |
| 345 | Ch’è socciesso; ched’è? volite ajuto? |
| | CIOMMA |
| | Cerca no poco d’acqua lloco dinto. |
| | Gioja de st’arma |
| | BELLUCCIA |
| | Oh! Dio. |
| | CIOMMA |
| | Ah Peppariello mio |
| | Tu sude friddo? assettate cca ncoppa |
| 350 | Che sarrà stato chesto? |
| | Ll’acqua? |
| | CARLO |
| | Mo’ vene. |
| | CIOMMA |
| | Di’ che faccia priesto. |
| | CARLO |
| | Veccola cca. |
| | CIOMMA |
| | Bellezza mia? revene? |
| | Co ttico llà non vide |
| | Ca t’ammenaccia. |
| | BELLUCCIA |
| | Ajemmè! dimme na cosa |
| 355 | De dove si’? |
| | CARLO |
| | Io songo de Sorriento. |
| | BELLUCCIA |
| | E a sto luogo n’ammaste maje nesciuna? |
| | CARLO |
| | No. |
| | BELLUCCIA |
| | Busciardo! |
| | CARLO |
| | Sbarije? |
| | CIOMMA |
| | Via di’ lo vero. |
| | CARLO |
| | Sì sì nov’anne arreto n’ammaje una |
| | (Comm’è benuto a chisto sto penziero!) |
| | BELLUCCIA |
| 360 | E mo’ non l’amme cchiù? |
| | CARLO |
| | No. |
| | BELLUCCIA |
| | Pecché? |
| | CARLO |
| | Che nne saccio; chiano, chiano |
| | Mme è sciuta da lo core |
| | (Vi’ comm’è corejuso!) |
| | BELLUCCIA |
| | (Ah Turco cano) |
| | Teranno ingannatore |
| | CIOMMA |
| 365 | Core mio co chi ll’aje? |
| | CARLO |
| | (Chist’è mpazzuto!) |
| | CIOMMA |
| | Che nne vuo’ fa ssi guaje? |
| | BELLUCCIA |
| | Pecché nfammo, pecché; po ll’haje traduto. |
| | CIOMMA |
| | Pecché te piglie collera? ch’è stato? |
| | BELLUCCIA |
| | So’ giovane nnorato |
| 370 | E non pozzo sentì sta brutt’azzione |
| | Ch’à fatto a na zetella sto briccone. |
| | CARLO |
| | A mme briccone a mme? te lasso ire |
| | Ca stammo nnanze a Ciomma. |
| | Ma che, già te canosco |
| 375 | (Agghiustare te voglio.) |
| | BELLUCCIA |
| | Ah, si mme canoscisse |
| | Non derrisse accossine arma de scuoglio! |
| | CARLO |
| | Dimme na cosa; chella c’aggio ammata |
| | La canusce tu fuorze? parla? |
| | BELLUCCIA |
| | Oh! quanto. |
| | CARLO |
| 380 | E dimmenne quarcosa? |
| | BELLUCCIA |
| | (Ah. Tradetore) |
| | Non saccio pe nfi’ a mo’, comme lo chianto |
| | No l’hà affocata; e comme lo dolore |
| | No l’accide! sospira, s’allamenta, |
| | Se despera, s’affrje, |
| 385 | E de chesta manera |
| | Passa da la mattina nfi’ a la sera. |
| |
| | Da che sponta chisto sole |
| | Nfi’ che torn’addov’è sciuto, |
| | Chella scura ch’aje traduto |
| 390 | Sempe sta penzanno a Te! |
| | E po dice ste parole |
| | Pecché m’aje abbandonato |
| | Carlo sgrato |
| | Oh! Dio! Perché? |
| |
| | CIOMMA |
| 395 | Ah! Peppo mio non chiagnere. |
| | (Io no lo ntenno.) |
| | CARLO |
| | (Io manco lo capesco!) |
| | BELLUCCIA |
| | (Ah, ca mme sento fragnere!) |
| | CARLO |
| | (Io spazzesco!) |
| | BELLUCCIA |
| |
| | Da che sponta chisto sole &c. |
| |
| | CIOMMA |
| | A Peppo fremma! Aspetta mo’ se vede |
| 400 | Si mme vuo’ bene, siente |
| |
| | SCENA XIII |
| |
| | TITTA, e li stisse. |
| |
| | TITTA |
| | Lassalo ì non vide, ch’è no cano |
| | (Ma cca sta Carlo) ah Ciomma! |
| | Semp’appriesso a sso sgrato, |
| | A sso teranno che te fuje, e sprezza |
| 405 | E a Carlo, che t’adora |
| | Vuo’ fa sempe accossì magnà la rezza? |
| |
| | Videlo comme sta |
| | No lo fa cchiù stentà. (a Ciomma.) |
| | Che buo’ che mora. |
| 410 | Che cchiù te pozzo fa? (a Carlo.) |
| | Comme non hai piatà (a Ciomma) |
| | De chi t’adora! |
| |
| | SCENA XIV |
| |
| | CIOMMA, e CARLO. |
| |
| | CIOMMA |
| | Vi’ pe tte quanto soffro! |
| | CARLO |
| | Io non ce corpo a niente |
| 415 | Schitto vorria da te |
| | CIOMMA |
| | Na stellettata, |
| | Che te passa l’arma. |
| | CARLO |
| | (È sempe sgrata.) |
| | E mme vuo’ |
| | CIOMMA |
| | Vedè muorto. |
| | CARLO |
| | Io songo |
| | CIOMMA |
| | Ll’odio mio |
| | T’abborresco, te sprezzo. |
| | CARLO |
| | Fremma, o Dio |
| 420 | Tu pe mme si’ |
| | CIOMMA |
| | Tutt’ira. |
| | CARLO |
| | E buo’ esse |
| | CIOMMA |
| | Pe tte sempe teranna. |
| | CARLO |
| | Siente na cosa |
| | CIOMMA |
| | Niente. |
| | CARLO |
| | Vuo’ che baa, a morì? |
| | CIOMMA |
| | Sì va te scanna. |
| |
| | Da me che buo’ |
| 425 | Se sa? |
| | Si’ propejo no pezzente |
| | De chill’mpierteniente; |
| | Te dico ch’agge pace |
| | E tu cchiù ncuocce. |
| 430 | Non me pejace |
| | No |
| | Comme lo buo’ sentì? |
| | Vi’ si se nne vo’ ì? |
| | St’uommene nzanetà |
| 435 | So’ tutte suocce. Da me &c. |
| |
| | SCENA XV |
| |
| | CARLO sulo. |
| |
| | CARLO |
| | E qual’arma, e qua core ha sopportato |
| | No dolore cchiù forte |
| | De chisto, che sent’io so’ desperato! |
| | Che fa; che fa la morte? |
| 440 | Che chiena de despietto |
| | No mme vene a scippà st’arma da pietto? |
| |
| | Si ll’arme desperate |
| | Fossero tormentate |
| | Co chesta pena mia |
| 445 | Lo nfierno mo’ sarria |
| | Chiù peo de chello ch’è. |
| | De pena, e de dolore |
| | Vuje niente nne sapite: |
| | Da lloco abbascio ascite |
| 450 | E dinto a chisso core |
| | Venitele a bedè. Si &c. |
| |
| | SCENA XVI |
| |
| | RAPISTO CICCARIELLO, e COL’AGNOLO. |
| |
| | RAPISTO |
| | Ciccariello. |
| | CICCARIELLO |
| | Oh Rapisto! bemmenuto. |
| | RAPISTO |
| | Si ncè masto Col’Agnolo |
| | Mme vorria sbarbizzare. |
| | CICCARIELLO |
| 455 | Sta cca (non te scordà de lo strellare.) |
| | RAPISTO |
| | Schiavo si masto Col’Agnolo. |
| | COL’AGNOLO |
| | (Puozze morì de subbeto |
| | Mm’ha storduto; isso è surdo, e a mme strilla.) |
| | CICCARIELLO |
| | È bizejo de li surde. |
| | RAPISTO |
| 460 | (Manco m’avarrà ntiso.) |
| | COL’AGNOLO |
| | Siente a mme Bemmenuto. |
| | RAPISTO |
| | (Oh! fuss’acciso.) |
| | Ciccariello. |
| | CICCARIELLO |
| | Che dice? |
| | RAPISTO |
| | Chisto, che mmalor’hà? |
| | CICCARIELLO |
| | Non saccio niente. |
| | RAPISTO |
| | Si’ llesto? |
| | COL’AGNOLO |
| | Segnorsì, comm’a sargente. |
| | CICCARIELLO |
| 465 | Via mo’ anemo, e core |
| | Bene mio chist’è gusto de Segnore. |
| |
| | SCENA XVII |
| |
| | MENECA, po CICCARIELLO, e COL’AGNOLO. |
| |
| | MENECA |
| |
| | Ora Vide, che taluorno |
| | Crepa schiatta ca sto juorno |
| | De pegliarte Peppariello |
| 470 | No lo vide sta pe mme. |
| |
| | Mo’ lo chiammo bonora Ciccariello |
| | Che si’ cecato. |
| | CICCARIELLO |
| | Oh! aje visto! |
| | No ll’aggio fatto apposta. |
| | MENECA |
| | Che si’ fatto rapisto? |
| | CICCARIELLO |
| | (Io mo’ l’abbiarria |
| 475 | Sto vacile a lo musso.) |
| | Sì non t’avevo visto. |
| | MENECA |
| | Tu non haje descrezejone |
| | E po vuo’ avè raggione. |
| | COL’AGNOLO |
| | Che d’è si’ stato acciso lloco fora |
| 480 | Oh co buje chiacchereja. |
| | CICCARIELLO |
| | E comme stace bella, ah, ah, ah. |
| | MENECA |
| | Ussoria nce coffeja; |
| | Vi’ ca sti zerolille. |
| |
| | SCENA XVIII |
| |
| | CIOMMA da la Fenesta, e li stisse. |
| |
| | CIOMMA |
| | Che d’è, che so’ ssi strille |
| | COL’AGNOLO |
| 485 | Che ll’aje asciato sulo |
| | Sto povero fegliulo. |
| | RAPISTO |
| | Quanno mmalora scompe sto contrasto. |
| | CICCARIELLO |
| | Oh che bella fegura. |
| | MENECA |
| | E che buo’, che te sbatta |
| 490 | La capo pe sse mura? |
| | RAPISTO |
| | Aggio da ì co meza varva fatta! |
| | CICCARIELLO |
| | Jammo. |
| | RAPISTO |
| | Tu mm’aje da credere! |
| | CICCARIELLO |
| | Cierto. |
| | RAPISTO |
| | Lo Cielo mme la manna bona. |
| | CIOMMA |
| | Ch’è stato sto contrasto? |
| | COL’AGNOLO |
| 495 | Mo’ ve dich’io sia Ciomma. |
| | MENECA |
| | Leva da lloco tu vide sti panne. |
| | COL’AGNOLO |
| | Lassa parlare a mmene |
| | MENECA |
| | Oje varvajanne |
| | Agge creanza mente stea felanno |
| | COL’AGNOLO |
| | Stea facenno la varva |
| | MENECA |
| 500 | Chillo facce de mpiso |
| | COL’AGNOLO |
| | Sto povero fegliulo. |
| |
| | SCENA XIX |
| |
| | RAPISTO, CICCARIELLO, e li stisse. |
| |
| | RAPISTO |
| | Va rade lo forzate fuss’acciso |
| | Tene no cortellaccio pe rasulo, |
| | Bene mio m’ha spaccata sta mascella. |
| | CICCARIELLO |
| 505 | Jammo a fornire. |
| | RAPISTO |
| | E non vuo’ ghì a mmalora. |
| | MENECA |
| | Vattenne. |
| | RAPISTO |
| | Si Col’A’ |
| | COL’AGNOLO |
| | Mo’ bene mio. |
| | Non mmottà. |
| | CICCARIELLO |
| | Jammoncenne. |
| | CIOMMA |
| | Forniscela mo’ zia, via trasetenne. |
| | MENECA |
| |
| | Vi’ che lazzaro imbroglione! |
| |
| | RAPISTO |
| |
| 510 | Facce mia! |
| |
| | COL’AGNOLO |
| |
| | Che marrone! |
| |
| | RAPISTO |
| |
| | Quanto sango! |
| |
| | CIOMMA |
| |
| | Trase zia. |
| |
| | MENECA |
| |
| | Te nne voglio fa pentì. |
| |
| | COL’AGNOLO |
| |
| | Vecchicone. |
| |
| | CICCARIELLO |
| |
| | Lassa ire. |
| |
| | RAPISTO |
| |
| | Jammo sbrigame a me mo’. |
| |
| | COL’AGNOLO |
| |
| 515 | M’aje acciso, mo’, mo’, mo’. |
| |
| | MENECA |
| |
| | Varvajanne sciò, sciò, sciò. |
| |
| | CIOMMA |
| |
| | Via fornite no cchiù mo’. |
| |
| | COL’AGNOLO |
| |
| | Scortecone sciò, sciò, sciò. |
| |
| |
| |
| |
