| | |
| | |
| | Li zite ngalera, Napoli, A spese de li Mpressarie, 1724 |
| | a cura di Paologiovanni Maione |
| |
| |
| |
|
| |
| | ATTO III |
| |
| | SCENA PRIMMA |
| |
| | BELLUCCIA, e COL’AGNOLO. |
| |
| | BELLUCCIA |
| | Vi’ ca po se fa tardo, e n’aggio tiempo |
| | De mme vestire femmena. |
| | COL’AGNOLO |
| | Uh! che tanto nce vole? Doje partite |
| 1185 | Schitto facimmo, e po nce n’abbiammo. |
| | BELLUCCIA |
| | Sbricammonce. |
| | COL’AGNOLO |
| | So’ lesto |
| | Ecco le carte, co la tavolella. |
| | BELLUCCIA |
| | Orsù quanto vuo’ fa? |
| | COL’AGNOLO |
| | Ma decinchella. |
| | BELLUCCIA |
| | E marcio. |
| | COL’AGNOLO |
| | E marcio via. |
| | BELLUCCIA |
| | Col’A’ mme vince. |
| | COL’AGNOLO |
| 1190 | Ah! carta venga, e giocator s’avanta. |
| | BELLUCCIA |
| | Sì ma tu juoche fino. |
| | COL’AGNOLO |
| | Oh! ca tu si’ no bello arranchino. |
| | Auza. |
| | BELLUCCIA |
| | N’asso. |
| | COL’AGNOLO |
| | No tre, voglio la mano. |
| | BELLUCCIA |
| | E puro sto vantaggio? |
| |
| | SCENA II |
| |
| | CIOMMA, CARLO, e li stisse. |
| |
| | CIOMMA |
| 1195 | E quanno scomparraggio |
| | De sentì cchiù contraste. Uh Peppo e ghioca? |
| | E manco mo’ le pozzo di’ na chiacchiara: |
| | Aspettammo no poco. |
| | CARLO |
| | Oje mme voglio dà fuoco. |
| 1200 | Oh! vecco Ciomma attiempo: |
| | Mo’ nne voglio vedè chello, che nn’eje |
| | Chi sa quant’avarraggio d’aspettare. |
| | BELLUCCIA |
| | Che carte! |
| | COL’AGNOLO |
| | Ah! ca le mmeje! |
| | BELLUCCIA |
| | Le bolimmo cagnare? |
| | COL’AGNOLO |
| | E ba joquanno. |
| | CIOMMA |
| 1205 | Oh! benmenuto! |
| | CARLO |
| | Siente. |
| | CIOMMA |
| | E ba a mmalanno. |
| | CARLO |
| | Oh! Dio, che t’aggio fatto? |
| |
| | SCENA III |
| |
| | TITTA da parte, e li stisse. |
| |
| | TITTA |
| | Oh! bella cocchia te? |
| | COL’AGNOLO |
| | Tre Rri. |
| | BELLUCCIA |
| | Tre quatto. |
| | CIOMMA |
| | Levatella da capo ssa chimera |
| | Ca tu non si’ pe mme. |
| | TITTA |
| 1210 | (Nce tratta a tutte duje de na manera.) |
| | CARLO |
| | Che te nne pare. |
| | COL’AGNOLO |
| | Rre de spata. |
| | BELLUCCIA |
| | Tre, tre. |
| | COL’AGNOLO |
| | Nn’aje quatto, e uno. |
| | TITTA |
| | Oh! vide sto zemprillo nc’ha fortuna. |
| |
| | SCENA IV |
| |
| | MENECA da la loggia, e li stisse. |
| |
| | MENECA |
| | Uh st’arma mia spassa, e a mme non penza |
| 1215 | Negre nuje poverelle |
| | Co chiste non ce jova essere belle. |
| |
| | Hoje co sti sbarvate |
| | Non c’è da fa cchiù bene; |
| | Se so’ ammalizejate |
| 1220 | Li Marvizze. |
| | Che rraggia, che mme vene; |
| | Nullo me vole ammare; |
| | So’ cose da sprezzare |
| | Ste bellizze? |
| |
| | CIOMMA |
| 1225 | Vattenne mo’. |
| | CARLO |
| | Potta de chi non crede. |
| | E che songo mpestato |
| | Che mme cacce accossì? |
| | TITTA |
| | Che cana perra? |
| | COL’AGNOLO |
| | E che freoma che aie. |
| | BELLUCCIA |
| | Te, cavallo de spata. |
| | COL’AGNOLO |
| | Mme la faje? |
| | CARLO |
| 1230 | Donca non aie de me propejo piatate? |
| | MENECA |
| | Vi’ si se nne vo’ ire. |
| | CARLO |
| | Ora mo’ non te pozzo cchiù zoffrire. |
| | CIOMMA |
| | Schiatta. |
| | CARLO |
| | Dà cca sta mano. |
| | CIOMMA |
| | Ah briccone? |
| | MENECA |
| | Ah forfante. |
| | TITTA |
| 1235 | Ajemmè va chiano. |
| | CARLO |
| | Sì accideme. |
| | COL’AGNOLO |
| | Oh! bonora! |
| | BELLUCCIA |
| | Ah Carlo mio, |
| | Ch’è stato! che d’è chesto? |
| | CARLO |
| | Via dà gosto a sta sgrata |
| | Vienem’accide tu. |
| | BELLUCCIA |
| | Lassa sta spata |
| 1240 | Piglia Carlo. Che d’è so’ fatte pulece |
| | Le gente; che accossì tu le buo’ accidere. |
| | CIOMMA |
| | Comme tu vaje nfavore |
| | A no nemmico tujo. |
| | BELLUCCIA |
| | Sto nnemmico me sta dinto a lo core. |
| | MENECA |
| 1245 | Levate, ca nne voglio fa mesesca. |
| | TITTA |
| | Fremma Mamma, che faje? |
| | MENECA |
| | Lassa tu n’auto |
| | Ah! canaglia assassine. |
| | BELLUCCIA |
| | Te vorria caccià ll’arma da lo pietto. |
| | TITTA |
| | Mamma vi’ ca te perdo lo respetto. |
| | CIOMMA |
| 1250 | Tu contr’a Ciomma toja. |
| | MENECA |
| | Tu contr’a mammeta! |
| | BELLUCCIA |
| | Accossì bo’ la sciorte. |
| | TITTA |
| | Chisto m’ha libberato da la morte. |
| | MENECA |
| | E che pe chesto? l’è |
| | TITTA |
| | Trasitevenne. |
| | BELLUCCIA |
| | No nne la vuo’ portare? |
| | TITTA |
| | Eh! jammoncenne. |
| | MENECA |
| 1255 | Trase cca tu fegliola. |
| | CIOMMA |
| | Che briccone; m’avive asciata sola! |
| |
| | SCENA V |
| |
| | BELLUCCIA, e CARLO. |
| |
| | BELLUCCIA |
| | Che d’è Carlo? non parle, staie confuso! |
| | Vi’ pe tte quanto faccio! |
| | Mm’aje obbreco? respunne a mme! |
| | CARLO |
| 1260 | Che saccio! ah! |
| | BELLUCCIA |
| | Ssi sospire de fuoco |
| | N’abbastano a scarfare |
| | Chillo core de jaccio, |
| | E puro appriesso le vuo’ ì. |
| | CARLO |
| | Che saccio! |
| | BELLUCCIA |
| | Che resposte so’ cheste? |
| 1265 | No sta cchiù nzallanuto. |
| | CARLO |
| | Oh! Dio lassame ì, songo abbeluto! |
| | BELLUCCIA |
| | Non t’abbelire spera Carlo, spera |
| | Ca sarraje consolato. |
| | E no nne passarrà fuorze stasera? |
| | CARLO |
| |
| 1270 | Che buo’ che spera? |
| |
| | BELLUCCIA |
| |
| | Spera ch’Ammore |
| | Mo’ da st’affanne |
| | Te levarrà. |
| |
| | CARLO |
| |
| | Ah! ca te nganne |
| 1275 | Pocca lo core |
| | Maje da st’affanne |
| | Se levarrà. |
| |
| | A DUE |
| |
| | Nsi’ a mo’ sì so’ stato |
| | Da desperato. |
| |
| | BELLUCCIA |
| |
| 1280 | Ma mo’ te juro, |
| | Ca sta desditta |
| | Se scomparrà. |
| |
| | CARLO |
| |
| | Io t’assecuro |
| | Ca sta desditta |
| 1285 | Maje scomparrà. |
| |
| | SCENA VI |
| |
| | S’accosta na Galera de la quale scennarranno duje Schiave, che attaccarranno lo capo nterra po, co lo sparo de lo Cannone, e suono de tammurro sbarcarrà lo Capetaneje, co na gran quantetà de Schiave, e schiavi pigliate ncoppa na Corzara torchesca. |
| |
| | FEDERICO |
| |
| | Or più non mi fa guerra |
| | Il tempestoso mar. |
| | Già siam compagni in terra |
| | E ’l Ciel sereno appar. |
| |
| | SCENA VII |
| |
| | MENECA, COL’AGNOLO, CIOMMA, e po ASSAN. |
| |
| | MENECA |
| 1290 | Masto Col’A’, ch’è stato, chi so’ chiste? |
| | COL’AGNOLO |
| | No le bi’, ca so’ Turche. |
| | MENECA |
| | Uh! negramene |
| | Ca jarranno trovanno belle femmene |
| | Pe le portare a lo serraglio; E io |
| | Cierto ca so’ la primma. |
| | COL’AGNOLO |
| 1295 | Tu? nn’aie paura no. |
| | MENECA |
| | Pecché? |
| | COL’AGNOLO |
| | Si’ grimma. |
| | MENECA |
| | Io mo’ t’abbiarria |
| | Quaccosa nfacce. |
| | COL’AGNOLO |
| | A te vonno portà chiste nturchia |
| | Che buo’ fa strozellà lo Gransegnore? |
| | CIOMMA |
| 1300 | Se pò sapè, che d’eje sso remmore. |
| | MENECA |
| | So’ Turche figlia mia. |
| | ASSAN |
| | Eh compar dove star qui alloggiamenta |
| | Volir sapira Capitania mia. |
| | COL’AGNOLO |
| | (Mo’ lo manno a la casa de la vecchia.) |
| | ASSAN |
| 1305 | Respondir, o mo’ far fora pellecchia. |
| |
| | SCENA VIII |
| |
| | COL’AGNOLO, MENECA, CIOMMA, ASSAN. |
| |
| | COL’AGNOLO |
| | Fora pellecchia! No, mo’ mparar casa. |
| | MENECA |
| | Bell’ommo no ve sia pe commano, |
| | Decitence chi site. |
| | CIOMMA |
| | Si ca posta ne avite gran paura. |
| | ASSAN |
| 1310 | No, non temir. Non dubitar seniura. (Trase Assan, e li schiave de la Galera vanno sbarcanno le robbe.) |
| | MENECA |
| | Vi’, quanta robbe portano. |
| | CIOMMA |
| | Che sarà stato chesto? |
| | MENECA |
| | Saglimmoncenna. |
| | CIOMMA |
| | Mo’. |
| | MENECA |
| | Facite priesto. (trase.) |
| |
| | SCENA IX |
| |
| | CICCARIELLO, CIOMMA, COLAGNOLO. |
| |
| | CICCARIELLO |
| | Ch’è socciesso si Masto, quanta turche! |
| | COL’AGNOLO |
| 1315 | Vorria sapere quanno ve vestite? |
| | CICCARIELLO |
| | So’ lleste li vestite, |
| | E stanno già cca ncoppa |
| | Azzoè no corze’, co na gonnella. |
| | CIOMMA |
| | Tu farraje da servetta, |
| 1320 | E pararraje na bella peccerella! |
| | COL’AGNOLO |
| | Parlanno co crejanza. |
| | CICCARIELLO |
| | Oh! Che bo’ di’, parlanno co crejanza? |
| | COL’AGNOLO |
| | Che ve site nfadato? |
| | CICCARIELLO |
| | Miettetence ussoria. |
| | COL’AGNOLO |
| 1325 | Tu vuo’ tornà a provà la mano mia? (Va pe battere Ciccariello, e Ciomma lo trattene.) |
| | CIOMMA |
| | Via mo’ lassalo ire. |
| | (Fallo, fallo arraggià.) |
| | CICCARIELLO |
| | (State a sentire.) |
| |
| | So’ Fegliuolo Speretuso, |
| | Non so’ stuorto, o sgavenato: |
| 1330 | So’ deritto comm’a Fuso |
| | Vide vi’ ca s’è nfadato. |
| | Ussoria, che bo’ da me. |
| |
| | CIOMMA |
| | Abbesognance, che lo compatite. |
| | COL’AGNOLO |
| | Eh! mmalosca, mmalosca! |
| | CIOMMA |
| 1335 | (Via pasteggialo mo’.) |
| | CICCARIELLO |
| | Commo volite. |
| |
| | Via sia Ciomma no lo fare |
| | Spantecà lo poveriello: |
| | Vide vide comm’è bello! |
| | Che te pare? |
| 1340 | N’è lo ve’? (se nne va. Col’Agnolo vo’ correre appriesso a Ciccariello, e Ciomma lo trattene.) |
| |
| | SCENA X |
| |
| | COL’AGNOLO, CIOMMA, e po TITTA. |
| |
| | CIOMMA |
| | Lassalo ire pe l’ammore mio. |
| | COL’AGNOLO |
| | Quanno tu vuo’ accosine, io no me movo |
| | Ca tu si’ ll’arma mia. |
| | Pe tte porto mpezzato cca no chiuovo. |
| 1345 | Pe tte Ciomma, pe ttene |
| | CIOMMA |
| | (Oh! chisto mo’ accommenza.) |
| | Zitto si masto ca te voglio bene. |
| | (Accossì me lo levo da vecino.) |
| | TITTA |
| | Vi’ ca t’arrivo mo’ pe lo giardino. |
| 1350 | (Oh! Col’Agnelo, e Ciomma!) |
| | CIOMMA |
| | (Vecco Titta |
| | Le voglio dà no po’ de gelosia.) |
| | COL’AGNOLO |
| | Donca de st’arma affritta |
| | CIOMMA |
| | Cojetate, ca tu si’ ll’arma mia. |
| | TITTA |
| | Potta de la fortura. |
| 1355 | A chisto ddonca vole bene? oh! femmene! |
| | CIOMMA |
| | Vattenne core mio |
| | Che non venesse Titta a sconcecarece. |
| | COL’AGNOLO |
| | Io non ce capo dinto a la cammisa: |
| | Dice addavero. |
| | CIOMMA |
| | E comme (ah, ah, che risa.) |
| | COL’AGNOLO |
| 1360 | Addonca mo’. |
| | CIOMMA |
| | Tu mme sarraje marito |
| | Pe tte renunzio Titta, e lasso Peppo. |
| | COL’AGNOLO |
| | Benemio ca sto dinto a no galeppo. |
| | CIOMMA |
| | (Staje frisco. E Titta llà piglia li butte.) |
| | (Io voglio tenè tutte, e contiente, e gabbate.) |
| | TITTA |
| 1365 | Oh! mme n’allegro assaje. |
| | CIOMMA |
| | De che? |
| | TITTA |
| | Ca no varviero |
| | Te fa renunzià Titta, e lassà Peppo. |
| | CIOMMA |
| | Ah, ah, mme faje ridere addavero |
| | Me ll’aggio pasteggiato no tantillo. |
| | TITTA |
| 1370 | Ne! volea dire. |
| |
| | SCENA XI |
| |
| | CARLO, e li stisse. |
| |
| | CARLO |
| | O bravo |
| | Che bella compagnia! |
| | TITTA |
| | Addonca Ciomma chi sarrà maje chillo |
| | Che godarrà sta ditta |
| | De t’essere marito. |
| | CIOMMA |
| | Sarrà Titta. |
| | TITTA |
| 1375 | A mme porzì vuo’ pasteggiare Ciomma? |
| | CARLO |
| | (Ahù, che robba te!) |
| | CIOMMA |
| | (Veccote Carlo |
| | Le voglio dà martiello |
| | Pe mme spassà) Carlo, e Peppariello |
| | Io le mmantengo nfrisco |
| 1380 | Pecché tu si’ lo Oh! Dio ntienneme a sisco. |
| | TITTA |
| | Che sciorta! |
| | CIOMMA |
| | (Comm’è locco.) |
| | CARLO |
| | (Femmene veramente |
| | Vide: co chi è ncappata, co no smocco.) |
| | CIOMMA |
| | Orzù, vattenne ncoppa |
| 1385 | Ma non di’ niente a nullo |
| | Tu mo’ saje, che te fa. |
| | TITTA |
| | Chesto va ngroppa. |
| | CIOMMA |
| | (Spassammoce no poco, co chist’auto.) |
| | CARLO |
| | (Po decite, ca ll’uommene |
| | So’ mpertinente.) |
| | CIOMMA |
| | Oh Carlo. |
| | CARLO |
| | E ba co nnio. |
| | CIOMMA |
| 1390 | T’aggio da di’. |
| | CARLO |
| | Non moglio sapè niente. |
| | CIOMMA |
| | Cosa de gusto tujo. |
| | CARLO |
| | Vide comm’è deritta |
| | Saccio. |
| | CIOMMA |
| | E d’è. |
| | CARLO |
| | Ca sarraje mogliere a Titta. |
| | CIOMMA |
| | Ah, ah, ah, lo coffejo |
| 1395 | Pe no lo sentì cchiù. |
| | CARLO |
| | Comme si’ nzemprece! |
| | Co chesto mo’ te cride |
| | CIOMMA |
| | Co chesto che te dico vedarraje |
| | Si abburlo, siente Carlo. |
| | CARLO |
| | Di’, di’, ca non so’ surdo. |
| | CIOMMA |
| 1400 | Nzi’ a mo’ pe Peppo t’aggio desprezzato, |
| | Ma già, che chisto sgrato |
| | Non fa cunto de mene |
| | Voglio nn’odio cagnà tutto lo bene. |
| | CARLO |
| | Oh! bravo, e biva, e biva veramente |
| 1405 | Addonca. |
| | CIOMMA |
| | Si chiammava, mo’ desprezzo |
| | Ogne raggione vole |
| | Che, chi primmo sprezzaje, mo’ devo ammare. |
| | CARLO |
| | Oh! che belle parole ah, ah, ah. |
| | E tu pretienne de me nce fa stare? |
| | CIOMMA |
| 1410 | (Pare, che se lonzonna) siente Carlo. |
| | È difficile assaje |
| | Canoscere lo core de na femmena |
| | E a lo spisso soccede |
| | Che, chi se vede avè manco favore |
| 1415 | Chillo meglio dell’aute nce sta ncore. |
| | CARLO |
| | Tu mo’ pretienne, ch’io |
| | CIOMMA |
| | Carlo no cchiù tu si’ lo core mio. |
| |
| | Nuje femmene simmo |
| | Mparate accossì |
| 1420 | Servì nce facimmo |
| | Da tutte; ma po |
| | Chi manco te cride |
| | Cca dinto nce sta. |
| | Co una de nuje |
| 1425 | Fortuna nce vo’! |
| | Ca uno de vuje |
| | S’accide. |
| | Che fa? |
| |
| | SCENA XII |
| |
| | CARLO, COL’AGNOLO e TITTA, RAPISTO, e CICCARIELLO. |
| |
| | CARLO |
| | Addonca Ciomma sarrà mia? che sciorte! |
| 1430 | Che gusto nn’aspettato! |
| | Che mmenzejone è chesta; io mo’ so’ nato. |
| | COL’AGNOLO |
| | (Chist’ancora attorneja |
| | Non saparrà, ca la sia Ciomma è mia.) |
| | TITTA |
| | Malan che die te dia |
| 1435 | Abbijate, co Cicco. |
| | RAPISTO |
| | Vi’ che freoma. |
| | CARLO |
| | (Titta non sape niente de l’agguajeto |
| | Io mo’ lo voglio fa morì de subbeto.) |
| | Titta t’aggio da dire. |
| | TITTA |
| | Ed io porzì, na cosa da stordire |
| 1440 | (Isso non sape, che le sta stepato.) |
| | COL’AGNOLO |
| | Ne quanno ve nne jate. |
| | CICCARIELLO |
| | Si Ma’ Rapisto mm’ave trattenuto. |
| | CARLO |
| | Ne Ciccariello, non te si’ bestuto? |
| | Oh sto pecciotto è troppo speretuso. |
| | COL’AGNOLO |
| 1445 | Io pe chesto lo tengo. |
| | CARLO |
| | Aspetta. |
| | COL’AGNOLO |
| | Jate vuje, ca mo’ mmo’ vengo. |
| | CARLO |
| | Ah, ah, a la fine Ciomma s’è arrennuta. |
| | TITTA |
| | (Comme lo dice alliegro.) |
| | E a buje, che ve l’ha ditto? |
| | CARLO |
| 1450 | Comme, chi me l’ha ditto! essa mo’ propejo |
| | Che gusto c’aggio avuto. |
| | TITTA |
| | Obbrecato a ussoria. |
| | CARLO |
| | Obbrecato a ussoria? |
| | (Isso s’allegra de la sciorte mia.) |
| 1455 | Parente mme sarraje. |
| | TITTA |
| | Comme parente? |
| | COL’AGNOLO |
| | (Oh chesta è bella! io songo |
| | Lo Sposo, e loro fanno compremiente.) |
| | TITTA |
| | Io no ve ntenno. |
| | CARLO |
| | Ciomma non t’è Parente? |
| | TITTA |
| | Sì segnore. |
| | CARLO |
| 1460 | Addonca mo’ chess’è mogliere a mene |
| | Se stregne nfra de nuje la parentezza. |
| | COL’AGNOLO |
| | Ah, ah, ah, poveriello. |
| | TITTA |
| | Mogliere a buje? |
| | CARLO |
| | Nfi’ a mo’ che t’aggio ditto. |
| | TITTA |
| | Si Carlo me faje ridere |
| 1465 | Pocca è mogliere a mmene. |
| | COL’AGNOLO |
| | (Oh! chesta è meglio.) |
| | CARLO |
| | Ah, ah, staje n’arrore |
| | Ch’è mia, mo’ me nne songo assecurato. |
| | COL’AGNOLO |
| | (Che papurchie, non sanno |
| | Ch’aggio fatt’io la botta ah, ah so’ crepato. |
| | CARLO |
| 1470 | Vi’ che risa se fa masto Colagnelo! |
| | TITTA |
| | Aje visto! Co chi ll’aje? |
| | COL’AGNOLO |
| | Oh bene mio |
| | Deciteme na cosa; Tu sarraje |
| | Marito a Ciomma? |
| | TITTA |
| | Io songo |
| | CARLO |
| | Signornò, chisso songh’io. |
| | TITTA |
| 1475 | Abburla lo sio Carlo. |
| | CARLO |
| | Abburla, Titta. |
| | COL’AGNOLO |
| | O pe ll’uno; o pe ll’auto |
| | Vuie credite che Ciomma stia pe buje. |
| | CARLO |
| | Sta pe mme. |
| | TITTA |
| | Sta pe mmene. |
| | COL’AGNOLO |
| | (Co lo figlio de nufrio); ora sacciate |
| 1480 | Ca Ciomma ve coffeja a tutte duje. |
| | CARLO |
| | E pecché? |
| | COL’AGNOLO |
| | Ch’a mprommisso |
| | D’esse mogliere a mme. |
| | TITTA - CARLO |
| | Ah, ah, ah chest’è bella. |
| | TITTA |
| | Ogne cosa pò essere. |
| | CARLO |
| | Fora che l’ommo prieeno? |
| | TITTA |
| 1485 | Reveresco si sposo. |
| | CARLO |
| | Ora volite |
| | Sapè na cosa! |
| | COL’AGNOLO |
| | Ed è? |
| | CARLO |
| | Chesta nc’ha coffejato a tutte tre. |
| | COL’AGNOLO |
| | È cchiù facele chesto |
| | Ch’ogn’autra cosa, cierto accossì è. |
| |
| 1490 | Comme quanno è notte scura |
| | E te truove pe sse strate, |
| | Che no lampo nzanetate |
| | Te fa luce, e t’appaura |
| | Accossì socciesso a mme. |
| 1495 | A le stelle sta sberressa |
| | Mm’à mannato nnitto nfatto, |
| | Me n’hà fatto |
| | Già cadè. |
| |
| | SCENA XIII |
| |
| | CARLO, e TITTA. |
| |
| | CARLO |
| | O femmene, o scaienze |
| 1500 | Nate schitto pe darece tromiente |
| | Quanno manco te pienze |
| | Te fanno trajenielle da stordire, |
| | Che servizejo sarria lassarell’jre |
| | È bero Titta? |
| | TITTA |
| | Cierto è beretà. |
| 1505 | Ma a farelo consiste |
| | Si Carlo mio la deffecoltà. |
| | CARLO |
| |
| | Lo saccio ch’è pazzia |
| | Volere bene a femmene, |
| | Ogn’uno l’avarria |
| 1510 | Da lassà ire: ma |
| | Lloco te voglio. |
| | So’ ppeo de lo dejaschence |
| | Te danno l’accasione |
| | Pe farete ncappà, |
| 1515 | Po comm’a no briccone |
| | Te vottano, te chiantano. |
| | O te fanno trovà |
| | Dinto a qua mbruoglio. |
| |
| | SCENA XIV |
| |
| | TITTA sulo. |
| |
| | TITTA |
| | Chisto dice lo vero, |
| 1520 | No nce che ddi’, ma è bano lo penziero, |
| | Una cosa è lo ddi’; ll’auta lo ffare |
| | Una li fatte, e ll’auta lo parlare? |
| |
| | Soggetto ad Ammore |
| | Ogn’uno ha da sta. |
| 1525 | Lo sape sto Core |
| | Chest’arma lo ssa. |
| | E gusto, e dolore |
| | Sul’isso pò dà. |
| |
| | SCENA XV |
| |
| | BELLUCCIA da femmena, TITTA, e po CIOMMA. |
| |
| | BELLUCCIA |
| | Ammore caro, caro |
| 1530 | Ecco Belluccia, ca no cchiù se cela |
| | Vestut’ommo, haggio puosto lo telaro |
| | Tu ajutamell’a ordì sta bella tela. |
| | TITTA |
| | Oh! Si Peppo mo’ pare |
| | Cchiù femmena, che ommo. |
| | BELLUCCIA |
| 1535 | Eh! fatte cunto |
| | TITTA |
| | Che. |
| | BELLUCCIA |
| | Ca quase quase. |
| | TITTA |
| | Che cosa? |
| | BELLUCCIA |
| | Poco manco? |
| | CIOMMA |
| | Oh! bravo Peppo |
| | Primmo de me tu si’ arrevato? |
| | BELLUCCIA |
| | Cierto. |
| | TITTA |
| | Ciommetella sta ntuono |
| | Famme trovà quarcosa quanno torno. |
| | CIOMMA |
| 1540 | Oh pe sta notte ntanto |
| | Duorme co quarche ammico. |
| | No nce venì a scetare. |
| | TITTA |
| | Vago a dormì co lo Si Peppariello. |
| | BELLUCCIA |
| | Comme, co mmico? |
| | TITTA |
| | Sì. |
| | BELLUCCIA |
| | Schiavo ussoria |
| 1545 | (Vide, che guaje che le venarria.) |
| | TITTA |
| | Che d’è, che fusse femmena? |
| | BELLUCCIA |
| | Ora non saccio niente |
| | (Le boglio pasteggiare no tantillo) |
| | Accossì comme songo. |
| 1550 | Vorria sapere, chi cchiù, sfazeione |
| | Havarria de dormire |
| | Commico mo’ de vuje. |
| | TITTA |
| | Io poco, e niente. |
| | CIOMMA |
| | Io assaje. |
| | BELLUCCIA |
| | E ba ca state belle tutte duje. |
| |
| 1555 | Comm’a lo Venteciello, |
| | Che mo’, co lo sciorillo, |
| | Mo’ co lo sciummariello |
| | Se mette a pazzejà: |
| | Co buje accossì fa |
| 1560 | Sto Core mio. |
| | Chi m’ama; chi m’adora; |
| | Ma non sapite ancora |
| | Chi songh’io! |
| |
| | SCENA XVI |
| |
| | CAPITANO ASSAN, CIOMMA, e Masto COL’AGNOLO. |
| |
| | FEDERICO |
| | Assan, Assan, Assan. |
| | ASSAN |
| | Seniur, star lesta. |
| | FEDERICO |
| 1565 | Il tempo è già sereno |
| | Fa che tutto sia pronto alla partenza. |
| | CIOMMA |
| | Uh! n’auta vota chisto! |
| | COL’AGNOLO |
| | Troppo sti Turche vanno ronnejanno. |
| | MENECA |
| | Chi è chillo segnore. |
| | CIOMMA |
| | Che nne saccio. |
| | ASSAN |
| 1570 | Veder quaglia? veder. |
| | FEDERICO |
| | Già l’osservai. |
| | ASSAN |
| | Por mia fe, che star bella. |
| | COL’AGNOLO |
| | Ann’allommato Ciomma, nce so’ guaie. |
| | ASSAN |
| |
| | Seniura mia |
| | Venir con nuia |
| 1575 | Veder Turchia |
| | Che gran Seniura |
| | Dint’a Serraglia |
| | Non avir quaglia |
| | Accossì grassa |
| 1580 | Comme tu star. |
| |
| | COL’AGNOLO |
| |
| | Uscia s’arrassa. |
| |
| | ASSAN |
| |
| | Non frusciar capa |
| | Sacca cravuna |
| | Parlar volira. |
| |
| | COL’AGNOLO |
| |
| 1585 | Star mia Padruna. |
| |
| | ASSAN |
| |
| | Si non tacira |
| | Testa tagliar. |
| |
| | COL’AGNOLO |
| |
| | Non far non far. |
| |
| | SCENA XVII |
| |
| | TITTA, e li stisse. |
| |
| | TITTA |
| | Uh quanta gente! mamma che d’è chesto. |
| | MENECA |
| 1590 | N’è niente. È la commeddeia. |
| | TITTA |
| | Che buo’ commeddejà, non se fa chiune. |
| | CIOMMA |
| | E pecché? ch’è socciesso? |
| | TITTA |
| | Ca lo Si Peppo s’è scopierto femmena. |
| | MENECA |
| | Femmena! |
| | COL’AGNOLO |
| | Sì addavero. |
| | TITTA |
| | Cierto cierto |
| 1595 | È de Sorriento, e dice |
| | Ca nov’anne arreto lo Sio Carlo |
| | Fede de matremmonio l’avea dato. |
| | COL’AGNOLO |
| | Me nne fosse addonato |
| | Vi’ che festino nce voleva essere. |
| | MENECA |
| 1600 | Che mme dice! |
| | CIOMMA |
| | A pe chesto se nfadava |
| | Ogne ghiuorno; co Carlo |
| | Mo’ lo voleva muorto, e mo’ l’ammava. |
| | Ahu? speranze meje jute a zeffunno. |
| | TITTA |
| | Vi’ comme so’ le cose de lo munno. |
| | CIOMMA |
| 1605 | Ma già che la commeddeia |
| | Non se fa cchiù, va chiammale. |
| | TITTA |
| | Vedite, ca mo’ è tiempo |
| | De me levà de guaje, già Carlo, e Peppo |
| | Se so’ quietate, e io |
| 1610 | Aggio mo’ da restare sconsolato? |
| | MENECA |
| | Che dice? |
| | CIOMMA |
| | Che nne saccio. |
| | TITTA |
| | Ciomma non me fa sta cchiù desperato. |
| |
| | Arma sgrata |
| | Si’ acquietata? |
| 1615 | O vuo’ proprio, che m’accia? |
| | A no, no bellezza mia, |
| | Non me fa cchiù peneià. |
| | Già che songo mo’ scompute |
| | Tanta trivole vattute |
| 1620 | Agge o Dio de me pietà. |
| |
| | SCENA URDEMA |
| |
| | BELLUCCIA, TITTA, po CARLO, e li stisse. |
| |
| | BELLUCCIA |
| | Uh quanta gente? scosta co sta torcia, |
| | Lassa vedè? |
| | FEDERICO |
| | (Che vedo |
| | Quest’è mia figlia!) indegna! |
| | Mia vergogna, e rossor, tu in queste arene, |
| 1625 | Sott’abito viril. |
| | BELLUCCIA |
| | (So’ morta, oh Dio.) |
| | FEDERICO |
| | Olà l’empia s’uccida. |
| | ASSAN |
| | Seniur pietà: Sabella |
| | Avir cresciuta io, ed avir fatta |
| | Sopre braccia quand’era pescengrilla |
| 1630 | Più frittata, che pila n’avir barba. |
| | FEDERICO |
| | Taci; s’esegua il mio voler. |
| | BELLUCCIA |
| | Segnore! |
| | Oh! Dio pietà |
| | CARLO |
| | Ch’è stato? |
| | Ah! canaglia: assassine; ah! renegate! |
| | Primma, pe chisto pietto |
| 1635 | Passaranno ste ajemmè? Patreto? |
| | FEDERICO |
| | Ah! traditor! Tu ancora |
| | Pagar dovrai de tuoi misfatti il fio. |
| | CARLO |
| | Sì so’ contento de morì; ma chesta |
| | Non corpa a niente; essa pe mme è fojuta, |
| 1640 | Da la Patria: io la morte |
| | Mmereto; pecché ll’aggio, ajemmè traduta. |
| | COL’AGNOLO |
| | Oh! Dio segno’ perdonalo, |
| | Ca so’ spuse novielle. |
| | FEDERICO |
| | Come sposi? |
| | MENECA |
| | Gnorsì sto Gentelommo |
| 1645 | Che facea la Commeddea ll’à sposate. |
| | FEDERICO |
| | Dunque non è com’io credea. |
| | BELLUCCIA |
| | Segnore. |
| | Io venne appriesso a Carlo |
| | Pe mme potè recuperà l’onore: |
| | Mo’ già simmo sposate, si ve preme; |
| 1650 | Che mora Carlo mio |
| | Ah! pe piatà fa che morimmo nzieme. |
| | ASSAN |
| | Seniur pietà, non far sciancir Sabella! |
| | FEDERICO |
| | Mi sento intenerir. |
| | COL’AGNOLO |
| | Via mo’ si Capetaneo. |
| 1655 | Fallo da bonus vir. |
| | FEDERICO |
| | Alzati o figlia. |
| | MENECA |
| | È tiempo d’allereza, |
| | Perdonale Segno’ puozze sta buono. |
| | FEDERICO |
| | Benché grave l’errore; io vi perdono. |
| | CIOMMA |
| | Puozze campà mill’anne. |
| | MENECA |
| | Beneditto. |
| 1660 | Ciomma nfra st’allerezze |
| | Povero Titta ha da restare affritto? |
| | Pigliatillo. |
| | TITTA |
| | Che dice? |
| | CIOMMA |
| | Auh fortura, |
| | Pocca accossì bolite, io mme contento. |
| | COL’AGNOLO |
| | Belle fatiche meie sparze a lo viento. |
| | ASSAN |
| 1665 | Seniur Galera già star pronta. |
| | FEDERICO |
| | Andiamo |
| | Figli alla Patria a celebrar le nozze. |
| | BELLUCCIA |
| | Ciomma mia te so’ schiavo. |
| | CARLO |
| | A revederce Titta. |
| | MENECA |
| | Accossì nnitto nfatto |
| 1670 | Nce volite lassare. |
| | COL’AGNOLO |
| | Ora vide, che storia. |
| | BELLUCCIA |
| | Cierto è, de che manera. |
| | COL’AGNOLO |
| | Nce restarrà cca sempe la memoria, |
| | De li ZITE NGALERA. |
| | CIOMMA |
| 1675 | Io non saccio che è stato, |
| | Si mme nzonno? |
| | CARLO |
| | Venitece a trovare. |
| | CIOMMA |
| | Recordate de Ciomma. |
| | TITTA |
| | E de Titta Castagna. |
| | BELLUCCIA |
| | Ciccariello. |
| | CARLO |
| | Colagnolo. |
| | COL’AGNOLO - CICCARIELLO |
| | Covernate, |
| 1680 | Iate connio. |
| | CIOMMA - TITTA - MENECA |
| | Lo Cielo v’accompagna. |
| | CARLO - BELLUCCIA |
| |
| | Dapo’ tanta, e tanta pene |
| | V(†)Bello mio |
| | jammo a gaudè. |
| | V(-)Gioja mia |
| |
| | TITTA - CIOMMA |
| |
| | Dapo’ tanta, e tanta pene |
| 1685 | V(†)Bello mio |
| | Jammo a goudè. |
| | V(-)Gioia mia |
| |
| | COL’AGNOLO - CICCARIELLO |
| |
| | Dapo’ tanta, e tanta pene |
| | È cchiù doce lo gaudè. |
| |
| |
| |
| |
| |
| |
| |
| |
| |
| |
| |
| |
| |
| |
| |
| |
| |
